ပလက်ဝမြို့နယ်ရဲ့ အမြန်လမ်းမကြီး ကုလားတန်မြစ်ကို ဘယ်လိုကယ်တင်မလဲ
ပလက်ဝမြို့နယ် ပြည်သူတွေရဲ့ နေ့စဉ်စားဝတ်နေရေးအတွက်လိုအပ်တဲ့ သယ်ယူပို့ဆောင်ရေးကို ကုလားတန်မြစ်က တာဝန်ယူနေပါတယ်။ ဒါပေမယ့် အခုနောက်ပိုင်း နွေရာသီမှာ ဒီတာဝန်ကို သူမထမ်းဆောင်နိုင်တော့ဘူး။ ပလက်ဝအထက်ပိုင်းမှာနေထိုင်တဲ့ ပြည်သူတွေဟာ နွေရာသီမှာ ရေနည်းလို့ စက်လှေအကြီးတွေမသွားနိုင်တော့တာကြောင့် တန်ဆာခတွေမြင့်တက်လို့ ကုန်စည်နှုန်းတွေ နှစ်ဆသုံးဆထိမြင့်တက်နေပါတယ်။
ပလက်ဝမြို့နယ်မှာ ကုန်းလမ်းဆိုလို့ ကျေးရွာ ၄၃၈ ရွာရှိတဲ့အနက် ရွာ ၃၀ ကျော်လောက်ပဲ ကားလမ်းပေါက်ပါသေးတယ်။ ကုန်းလမ်းနဲ့ တစ်ရက်ခရီးကို ရေလမ်းနဲ့ နှစ်ညအိပ်ပြီး သွားလာနေကြပါတယ်။
