ပလက်ဝ ဒေသခံ ၁၇၃ ဦး ရခိုင်မှာ ပိတ်မိနေ

၂၇၊ မေလ၊ ၂၀၂၄

Zalen

ချင်းပြည်နယ် ပလက်ဝမြို့နယ်က ဒေသခံ ၁၇၃ ဦးဟာ ရခိုင်ပြည်နယ်မှာ ပိတ်မိနေတယ်လို့ ဒေသခံဆီက သိရပါတယ်။

ဧပြီလ ၁၅ ရက်နေ့က ရန်ကုန်မြို့သို့ သွားမယ့် ပလက်ဝဒေသခံ ၁၇၃ ဦးဟာ တောင်ကုတ်မြို့မှာ ပိတ်မိနေတာ ၁ လကျော်ကြာနေပြီလို့ သိရပါတယ်။

“ရန်ကုန်သွားမယ်ဆိုပြီး ကားထွက်ကြတာ၊ အခု တောင်ကုတ်မှာ ပိတ်မိနေတယ်။ တစ်လကျော်နေပြီ သွားလို့မရသေးဘူး။ ပိတ်မိနေဆဲ။”လို့ သူတို့နဲ့ နီးစပ်တဲ့ တစ်ဦးက ဆိုပါတယ်။

အဲ့ဒီ ပိတ်မိနေတဲ့ထဲမှာ ကလေးနဲ့ အမျိုးသမီးတွေ အများပြားပါဝင်နေတယ်လို့ သိရပါတယ်။

သူတို့တွေဟာ တောင်ကုတ်မြို့က ခရစ်ယာန်နှစ်ခြင်းဘုရားရှိးခိုးကျောင်း၊ ကစ်သလစ်ဘုရားရှိးခိုးကျောင်းနဲ့ တည်းခိုခန်းတွေမှာ တည်ခိုးနေကြပြီး ရက်ကြာလာတာနဲ့အမျှ စားဝတ်နေရေးအတွက် အခက်ခဲရှိတယ်လို့ သိရပါတယ်။

ဒါ့အပြင် သူတို့ သွားမယ့်လမ်းကြောင်းဖြစ်တဲ့ သံတွဲမြို့မှာ စစ်ကောင်စီနဲ့ AA တို့ တိုက်ပွဲပြင်းထန်နေတာကြောင်း ဖြတ်သန်းခွင့်မပြုတာဖြစ်မယ်လို့ ဆိုပါတယ်။

ပလက်ဝမြို့နယ်မှာ အာရက္ခတပ်တော်(AA) ထိန်းချုပ်ထားပြီး ဒေသခံတွေဟာ တစ်ရက်ထက်တစ်ရက် မြို့စွန့်ခွာပြီး မီဇိုရမ်နဲ့ ပြည်မဘက် ထွက်ပြေးမှုတွေ ပိုများလာတယ်လို့ သိရပါတယ်။

သတင်း-အောက်ချင်းငှက်

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်