၁၂၊ဧပြီ၊၂၀၂၄
Zalen
စစ်ကိုင်းတိုင်း၊ကလေးမြို့မြောက်ပိုင်းမှာရှိတဲ့ ပျဉ်းခုံကြီးရွာကို စစ်ကောင်စီနဲ့အပေါင်းပါ ရှမ်းနီတပ် SNA (Shanni Nationalities Army)တို့ မီးရှို့ဖျက်ဆီးနေတယ်လို့ သိရပါတယ်။
ဧပြီလ ၁၂ရက် ယနေ့ မနက် ၄နာရီဝန်းကျင်မှာ မော်စီရွာမှာ တပ်စွဲထားတဲ့ စစ်ကောင်စီတပ်ဖွဲ့များဟာ လက်နက်ကြီးတောက်လျှောက်ပစ်ကာ ပျဉ်းခုံကြီးရွာထဲ စစ်ကြောင်းထိုးလာခဲ့ပြီး
ယနေ့ ညနေ ၃:၄၀မိနစ်တွင် စစ်ကောင်စီက ပျဉ်းခုံကြီးရွာရှိ နေအိမ်များကို စစ်ကောင်စီက စတင်မီးရှို့ဖျက်စီးနေတာဖြစ်ပါတယ်။
“မနက် ၄နာရီလောက်ကတည်းက သေနတ်သံတွေရော လက်နက်ကြီးသံတွေရော ဆူညံနေတာ။ စက္ကန့်ရွာကနေ ကားပေါ်မှာအတွဲလိုက်တင်နိုင်တဲ့ လက်နက်ကြီးနဲ့လည်း လှမ်းပစ်တယ်။
ပြီးတော့ ပျဉ်းခုံကြီးရွာထဲကို စစ်ကြောင်းဝင်လာတာ။အခု ညနေ ၃:၄၀မိနစ်မှာ မီးစရှို့တာပါ”လို့ ဒေသခံတစ်ဦးကပြောပါတယ်။
ပျဉ်းခုံကြီးရွာဟာ အိမ်ခြေ ၃၀၀ ဝန်းကျင်ရှိပြီး ယခုချိန်ထိ ခန့်မှန်းခြေ အိမ် ၄ လုံးခန့် မီးလောင်နေပြီး စစ်ကောင်စီက ပျဉ်းခုံကြီးရွာထဲကနေ သေနတ်တွေပစ်ဖောက်နေတယ်လို့လည်း သိရပါတယ်။
HAK
