ရန်ကုန်၊ မှော်ဘီမြို့နယ်မှာ မူကြိုကလေးတစ်ဦး ကားအတွင်း တစ်နေကုန် ပိတ်မိကာ အပူလောင်၍ သေဆုံးသွားကြောင်း သိရသည်။
မှော်ဘီမြို့နယ်၊ ဆပ်သွားတောကျေးရွာ၊ မြိုင်သာယာရပ်ကွက်မှာဖွင့်ထားသည့် မူကြိုကျောင်း၌ မေ ၄ ရက်က ကျောင်းကြိုပို့ကားနှင့်အတူ ကလေးများကျောင်းပို့လာစဥ် သေဆုံးသည့်ကလေးမှာ ရေဗူးကျန်သဖြင့် တစ်ဦးတည်း ကားပေါ် ပြန်လာခဲ့သည်ဟု ဆိုသည်။
ယင်းကို ကားဆရာကသတိမပြုမိဘဲ တံခါးပိတ်လော့ချခဲ့သဖြင့် ကလေးမှာ တစ်နေကုန်ပိတ်မိပြီး ညနေမှ ၎င်းကလေးငယ်ပျောက်ကြောင်းသိရှိကာလိုက်ရှာကြရာ အပူလောင်လျက်သေဆုံးနေပြီဖြစ်ကြောင်း သိရသည်။
ကာယကံရှင်ကလေးမှာ တစ်ဦးတည်းသောသားဟုသိရပြီး အလောင်းကိုမိဘများက တောင်ငူမြို့သို့ သယ်ဆောင်ကာ သဂြိုဟ်ဖို့ စီစဥ်နေကြသည်။
