ဧဝံဂေလိတရားဟောဆရာကို ထောင်ဒဏ် (၄၃)နှစ်အမိန့်ချ

ဧဝံဂေလိတရားဟောဆရာကို ထောင်ဒဏ် (၄၃)နှစ်အမိန့်ချ
သက်ငယ်မိန်းကလေးနှစ်ဦးကို အဓမ္မပြုကျင့်မှုနဲ့ ဧဝံဂေလိတရားဟောဆရာတော် Lal Biak Lar@Lar Boih ကို ကလေးခရိုင်တရားရုံးက ဒီနေ့ ညနေပိုင်းမှာ ထောင်ဒဏ်(၄၃)နှစ်အမိန့်ချမှတ်လိုက်ပါတယ်။

Lar Boih ကို ပုဒ်မ ၃၇၆ နဲ့ သီးခြားစီ အမှုဖွင့်ထားတဲ့တွက် အမှုတစ်ခုတွင်ထောင်ဒဏ်နှစ်(၂၀) စီချမှတ်ပြီး၊ ပုဒ်မ ၅၀၆(ခြိမ်းခြောက်မှု)အတွက် ထောင်ဒဏ် (၂)နှစ် နဲ့ ပုဒ်မ ၃၂၃(နာကျင်စေမှု)အတွက် ထောင်ဒဏ် (၁)နှစ် စုစုပေါင်း ထောင်ဒဏ် (၄၃)နှစ်ချမှတ်လိုက်ပါတယ်။

ဧဝံဂေလိတရားဟောဆရာ Lar Boih ဟာ ဖလမ်းမြို့နယ်ကနေ ၎င်းတို့နေအိမ် ကလေးမြို့နယ် လက်ပံခောျင်းကျေးရွာမှာလာရောက်နေထိုင်တဲ့ မိုင်….(၁၅နှစ်)ကို ၂၀၁၅ ခုနှစ် ဇွန်လပိုင်းမှာလည်းကောင်း၊ မိုင်….(၁၄နှစ်)ကို ၂၀၁၈ ခုနှစ် ဧပြီလမှာလည်းကောင်း အဓမ္မပြုကျင့်တယ်လို့ဆိုကာ ၂၀၁၈ ခုနှစ် ဧပြီလ(၁၃)ရက်တွင် ကယာကံရှင် ကလေးမိဘတွေကိုယ်တိုင်က တာဟန်းရဲစခန်းမှာ ၂၀၁၈ ခုနှစ် ဧပြီလ( ၁၃)ရက်တွင် အမှုဖွင့်လိုက်ပါတယ်။

ဒါကြောင့် ၂၀၁၈ ခုနှစ် မေလ(၁၁)ရက်နေ့တွင် ကလေးခရိုင်တရားရုံးက ရာဇသတ်ကြီးဥပဒေ ပုဒ်မ ၃၇၆(မုဒိမ်းမှု)၊ ၃၂၃(နာကျင်စေမှု)၊ ၅၀၆(ခြိမ်းခြောက်မှု)၊ ၃၇၆/၅၁၁(မုဒိမ်းပြုကျင့်ရန်ကြိုးစားအားထုတ်မှု) တို့နဲ့ တရားစွဲတင်ထားပါတယ်။

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်