လေပြင်းတိုက်ခတ်လို့ ကန်ပက်လက်မြို့နယ်မှာ အိမ်(၇၀)ကျော်ပျက်စီး
ကန်ပက်လက်မြို့နယ်မှာ ဖေဖော်ဝါရီလ (၁၆)ရက်နဲ့ (၁၇)ရက်မှာ လေပြင်းတိုက်ခတ်လို့ ကျေးရွာခြောက်ရွာက အိမ်(၇၃)လုံးပျက်စီးသွားတယ်လို့ ဒေသခံကျေးရွာအုပ်ချုပ်ရေးမှူး တွေရဲ့စာရင်းအရသိရတယ်။
ဒီပျက်စီးမှုစာရင်းတွင်အများစုက လူနေအိမ်တွေဖြစ်ပြီး ဝန်ထမ်းအိမ်ရာတွေလည်းပါဝင်ပါတယ်။
ဖေဖော်ဝါရီလ (၁၇)ရက် ညနေ (၁၀)နာရီမှာ လေပြင်းတိုက်ခတ်လို့ ကြက်ခြံကျေးရွာ နေအိမ်(၆)လုံးပျက်စီး။
တုံငယ်ကျေးရွာမှာ ဖေဖော်ဝါရီလ(၁၆)ရက် ည(၉)နာရီမှာလေပြင်းတိုက်လို့ အိမ်(၄၀)လုံး၊ မကြားကျေးရွာအုပ်စု မကြားရွာ၊ ထပ်ရွှိရွာ၊ လှေ့စုံရွာ၊ ပန်းကြိုင်ရွာမှာ အိမ်(၁၇)လုံးပျက်စီးသွားပါတယ်။
ကန်ပက်လက်မြို့နယ် ထွေအုပ်ရုံးဝန်ထမ်းတစ်ဦးက “အခုကျေးရွာတွေမှာ မှတ်တမ်းဓာတ်ပုံတွေနဲ့တကွ ပျက်စီးတဲ့စာရင်းတွေပို့ပေးဖို့ပြောထားတယ်။ အများစုအိမ်တွေက မြက်သက်ကယ်အိမ်တွေဆိုတော့ ဆုံးရှုံးမှုတန်ဖိုးလည်းသိပ်များမယ်မထင်ဘူး။ ဆိုတော့ အပျက်အစီးစာရင်းအတိကျတော့ ချင်းအမျိုးသားနေ့ပြီးမှ ရကောင်းရနိုင်တယ်”လို့ပြောပါတယ်။
