တမူးမြို့နယ် အင်ဒိုင်းကျေးရွာမှာစစ်ဘေးရှောင်ပြီး တမူးမြို့မှာ ရွှေလမ်ပိုသွားရောင်းလေ့ရှိတဲ့ ပန်းသာရွာသား ဦးညီညီ (၃၃နှစ်) ကို ဇူလိုင် ၃၁ ရက်က အသတ်ခံရပြီးနောက် ၂ ရက်အကြာမှာအလောင်းပြန်တွေ့ကြတယ်လို့သတင်းရရှိပါတယ်။
တမူးမြို့နယ်အတွင်း စစ်ရေးအခြနေတင်းမာလာတဲ့အတွက် တမူး-ကလေးလမ်းမကို
အထူးသတိပြုသွားလာဖို့ PDF Tamu ကကြေငြာထားလို့ ဦးညီညီလည်း ကွင်းလမ်းတောလမ်းကိုအသုံးပြုပြီးဈေးရောင်သွားပါတယ်။
အခင်းဖြစ်ပွားတဲ့ ဇူလိုင် ၃၁ ရက်နေ့တွင်တမူးမြို့သို့ ရွှေလမ်ပို ရောင်းချပြီးတောလမ်းမှအပြန် အသတ်ခံရတာဖြစ်နိုင်ကြောင်း ဇနီးသည်ထံမှသိရတယ်။
ဦးညီညီဇနီးက “အဲနေ့က ကျမယောက်ျားက ညနေ ၅ နာရီထိုးထိပြန်မရောက်လာတော့ ဖုန်းဆက်ကြည့်တယ်။ သူကွင်းလမ်းရောက်နေကြောင်းပြောပါတယ်။ တော်တော်ကြာတော့ စိတ်ပူလို့ထပ်ဆက်ကြည့်တာ ယောက်ျားတစ်ယောက်အသံကြားရပြီးဖုန်းစက်ပိတ်သွားတယ်။ အဲကတည်းကပျောက်သွားတာအလောင်းပြန်တွေ့တဲ့ထိပဲ” လို့ပြောပါတယ်။
ဦးညီညီရဲ့ အလောင်းမှာ လက်နောက်ပြန်ကြိုးတုတ်ထားပြီး ဦးခေါင်းမှာ သေနတ်ဒဏ်ရာတွေ့ရှိပြီး ဘယ်သူက သတ်တာလည်းဆိုတာ မသိရပါ။
အလောင်းကို မန်မော်ကျေးရွာအနီးမှာ သြဂုတ်လ ၂ ရက်နေ့ကပြန်တွေ့ကြပြီး တမူးနာရေးကူညီမှုအသင်းကသွားရောက်သယ်ဆောင်ပြီး အင်ဒိုင်းကျေးရွာသုဿာန်တွင်သဂြိုလ်ကြပါတယ်။
ဦးညီညီတွင် ဇနီး၊ သားတစ်ယောက်နဲ့ သမီးတစ်ယောက် ကျန်ရစ်ခဲ့ပါတယ်။
အခင်းဖြစ်ပွားရာ မန်မော်ကျေးရွာနဲ့ပန်းသာကျေးရွာ တဝိုက်တွင် စစ်ကောင်စီတပ်နဲ့ပျူစေားထီးများလှုပ်ရှားသွားလာတဲ့ ဒသလည်းဖြစ်ပြီး မန်မော်နဲ့ အင်ဒိုးကျေးရွာဟာ ၇ မိုင်ခန့်ကွာဝေးပါတယ်။
