အိန္ဒိယ-မြန်မာ နယ်စပ် မိုးလေးနှင့်နန့်ဖာလုံကြားတွင် ပျူစောထီးအဖွဲ့က ကိုမင်းလွန် (ခေါ်) ကိုပိန်ပိန်း (၃၈နှစ်) စီးလာတဲ့ ဆိုင်ကယ်ကိုလုယူပြီး ဆိုင်ကယ်မပေးလို့ရိုက်နှက်ကြတဲ့ဒဏ်ရာကြောင့် သြဂုတ် ၁၂ ရက်က သေဆုံးသွားတယ်လို့သတင်းရရှိပါတယ်။
ကိုမင်းလွန်က ၎င်းဆိုင်ကယ်လုယူသွားတဲ့ ပျူစောထီအဖွဲ့တွေဆီမှာ “ကျွန်တော့်မိန်းမက ကလေးတွေကို ဒီဆိုင်ကယ်လေးနဲ့ပဲကျောင်းကြိုကျောင်းပို့လုပ်ပေးတာပါဆရာ မယူပေးပါနဲ့” လို့ တောင်းပန်ပေမယ့် ပျူစောထီးတွေက အတင်းလုယူပြီး ကိုမင်းလွန်ကိုထိုးကြိတ်ရိုက်နှက်ကြပါတယ်။
ကိုမင်းလွန်ဟာ ဒဏ်ရာများနဲ့ အိမ်ကို ခြေလျင်နဲ့လျှောက်လာပြီး နှစ်ရက်တိုင်ဖျားနာပြီး သြဂုတ်လ ၁၂ ရက်နေ့ နေ့လည် ၁ နာရီလောက်တွင် သေဆုံးသွားပါတယ်။
သူဟာကျန်းမာရေးချို့တဲ့သူတစ်ဦးလည်းဖြစ်ပြီး မိန်းမ နဲ့သားသမီး ၃ယောက် ထားရစ်ခဲ့ကြောင်းသိရတယ်။
တမူးမြို့နယ် ပျူစောထီးအဖွဲ့ဟာ အိန္ဒိယနိုင်ငံသား ၂ ဦးကိုလည်းသေနတ်နဲ့ပစ်သတ်ပြီး အလောင်းကိုလည်းဖြောင့်ဖျက်ကြပါတယ်။ ဒါ့ပြင် ၎င်းတို့လက်ချက်နဲ့သေဆုံးတဲ့ အရပ်သားပြည်သူ ၁၀ ယောက်ကျော်ရှိပါပြီ။
